Unha historia de amor e aventuras na Idade Media

A novela narra as azarosas e intrépidas aventuras de Bieito Dubidoso, que se declara prestidixitador e non feiticeiro; quen na compaña da súa inseparable Destreza emprende unha infatigable loita contra a superstición e o atraso, representados polo bispo Xoán, dono e señor da vila de Tui.

No 2013 a produtora Deboura Cinema levou Bieito Dubidoso ao cinema co título O pequeno mago. Esta longametraxe de animación foi dirixida polo propio Roque Cameselle.

Coa súa maxia, calquera desexo facíase realidade

Uns perigosos piratas normandos atracan na pequena cidade galega de Tui, dispostos a saqueala. Bieito Dubidoso, un neno de tan só nove anos, pero armado dunha maxia sorprendente, logra que os malvados guerreiros fuxan espavorecidos. A noticia do prodixio esténdese por toda a comarca e, a partir de entón, Dubidoso será coñecido por todos como O Pequeno Mago. Xunto coa súa inseparable amiga Destreza embarcarase en innumerables e máxicas aventuras e enfrontarase ao poderoso bispo Xoán, señor e dono da cidade, que non lle perdoará que o deixase como un covarde diante dos seus vasalos.

Conseguirá O Pequeno Mago saír vitorioso na súa rivalidade con tan poderoso inimigo?

Este álbum ilustrado é unha adaptación do filme O pequeno mago producido por Deboura Cinema e dirixido por Roque Cameselle. Edicións Xerais publicou unha edición especial do libro na que se incluía o DVD da película en galego.

Un retrato irónico da Galicia de posguerra

Un conxunto de relatos que cun humor afincado na tradición galega botan man de historias e xentes do Baixo Miño.

O Baixo Miño é o espazo onde se desenvolven ou teñen orixe estes relatos. Roque Cameselle emprega un humor costumista, celebrativo e lírico, e recupera a memoria histórica —a emigración, a guerra, a opresión— salferida de traxedias.

Memoria gráfica da cidade fronteiriza de Tui

Volume preparado por Carlos Díaz Martínez, reproduce e cataloga oitenta e catro pezas gráficas, a maior parte delas tarxetas postais circuladas, e editadas, tamén na súa maioría, pola iniciativa de fotógrafos e establecementos tudenses como Bazar Hermida, Salvador Fernández (Las Colonias), F. Baquero (de Casa Figuerola) e J. Gándara.

O material gráfico de A memoria de Tui vai precedido por unha evocación literaria da vila, preparada por Roque Cameselle. Un texto rico e moi documentado que constitúe unha viaxe paralela pola memoria da cidade.